He Whatu Ira Tangata:

Ite Timatanga ko te Kupu,
Ko te Kaihanga te kupu,
Nā te Kaihanga i hanga ngā mea katoa ite Rangi me te Whenua,
Te tahi o nga hangātanga, e Whare Tapu, whaka whetu, i te Ira tangata,
Te Wairua, Hei Tiki, ka whaka Whatu tia, ka uia, heoi kihai,
POU KAPŪA,

Tena ra koe POU KAPŪA kia mihi atu te Ao kia koe,
I haramai ra koe i te Kūnēnga mai o te Tangata,
I Roto I te Ahuru-Mōwai, ka taka Te Pae-o-Huaki-Po-Uri,
Ko te Whare Hangahanga tena a Tane-nui-a-rangi,
I te One i Kura-Waka, i tataia ai te Puhi-Ariki,
Te Hirīnga Matua, te Hiringa Tipua, te Hiringa Tāwhitorangi,

Ka Whaka Whetū tia koe POU KAPŪA,
Ka riro mai a Rūa I te Pukenga, a Rua i te Horahora,
Ka hokai POU KAPŪA, ia koe, koia Hokai Rauru-nui,
Ka māroa POU KAPŪA, i te ara namunamu ki te taiao,
Ka kokiri POU KAPŪA, i a koe ki te Aōtūroa

Naumai POU KAPŪA, kua pūrea, kua tohia, whaka puta i a koe,
Ki Runga te Tūranga Matua,
Marama te ata i Urū-Rangi,
Marama te ata i Take Take-Nui-o-Rangi,
Haramai POU KAPŪA kia mau tō ringa ki te kete tuauri,
Ki te kete tuatea, ki te kete aronui,

POU KAPŪA, puritia te aka matua,
Whakātu ia koe, ko Uenuku tēra, hei here ia ranginui kia papatuanuku,
Ka whakāwhi i a Puke-tau-one,
Ka whakāwhiwhia te Toi-uru-roa na Oho-mai-rangi te wai whakāta na Hine-kau-orohia,

POU KAPŪA, e huri ki te uranga o te ra,
Kua tūpātia ki a Hine-mākuku a Hine-makohu-rangi, ka tau ki runga ia Hine-mākehu,
Na Maui i kūkumea ake ki runga a Tiritiri-o-te-moana he whenūa, kakara, makuku, heoi ko Aotearoa, ka tangi te mapu waiora i konei.e.

POU KAPŪA, i konei koe i mua i te hanga tanga o te Ao,
I moemoetia koe e nga iwi tāngata katoa o te Ao,
Katahi ano POU KAPUA ou moemoea ki te Ao, ka Whakairo tia e nga Toki Tapu, ma to whakapapa, i heke mai, i tō whare tapu hangahanga, hei whakatinana,
Te korowai kahu hei whakamahana ia koe mai i to hangatanga, ki te Ao, nā o Tamariki ā Ranginui me Papatuanuku koe i kakahu,

POU KAPŪA, kia matārā,kia tū pakari i nga wa katoa hei pūpūri i te ao,
POU KAPŪA ko koe te tiamatatanga, ko koe ano te hiringa mo e nei wa, Ko koe ano te hiringa mo nga ra hei mua i tou Aroaro,
Ka tangi te mapu, waiora i konei e,
Tihēi Winiwini,
Tihēi Wanawana,
Tihēi Mauri Ora,
POU KAPŪA.